0

Замын сониноос (АНУ аялал, Монгол Библи)

Хамгийн сүүлд1471цагийн өмнө уншсан байна

АНУ-ын Сан Франциско хотод эрдэм шинжилгээнийхээ ажлаар яваад ирсэн тухайгаа замын сониноос хуваалцъя гэж бодлоо. Библийн эрдэмтэд судлаачдын томоохон хурал болох Society of Biblical Literature нийгэмлэгийн хуралд оролцлоо. Тус хуралд дор хаяж 5000 эрдэмтэн, судлаачин, багш, докторантурын оюутнууд оролцдог. Олон сэдвээр нэгэн зэрэг хуралдаанууд болж, оролцогчид илтгэл тавьж, асуулт тавих хэлбэрээр явагддаг. Би өөрийн хийж байгаа докторантурын судалгаа буюу 1 Хаад номын эртний грек орчуулгын (МЭӨ II зуун) тухай илтгэл тавилаа. Илтгэл маань дажгүй болсон. Хүмүүс төгсгөлд нь асуулт асууж байлаа. Эзэний ивээлээр бүх юм сайхан боллоо.

Хурлаас гадна замын сонин ихтэй явлаа. Бостон хотоор дайрахдаа дүүргэсэн сургуулиараа орж, багш нартайгаа уулзах сайхан байлаа. Массачусетс, Нью Хаймпшэ мужаар найз нар, сүм чуулганаар орж, бараг 800 км давхилаа. Английн цагаар бол шөнө, тэндхийн орой харанхуйд л хурдны зам дээр 100-110 км/цаг хурдтай давхиад байлаа. Мөн монгол Библи байдаг дэлхийн маш цөөхөн номын сангуудын нэгээр бас дахин орж амжсан. Тэнд 1819 онд Иаков Шмидтын орчуулсан Матай, Иохан номын эмхэтгэл, 1835 онд И.Шмидтийн гаргасан Монгол-Герман-Орос толь бичиг, 1836 оны Хуучин гэрээний хэд хэдэн номыг авч үзлээ. Миний урьд үзээгүй байсан нь Шмидтийн толь бичиг бөгөөд уйгаржин монгол бичгийг хөндлөн бичдэг герман, оростой хэрхэн хэвлэсэн нь сонирхолтой байв.

   

 Өөрийгөө судлаач гэдгээ тайлбарлан хэлэхэд намайг зураг авахыг зөвшөөрсөн нь очсоны хэрэг зорилго гүйцэх нь тэр байлаа. Зургийн аппаратны маань батерей дуусах гээд, дотроо залбирсаар байгаад шаардлагатай зурагнуудаа авч чадсан. Бурханд талархая! Хэрэв та Библийн монгол хэл дээрх орчуулгын түүхийн талаар илүү мэдье гэвэл миний бичсэн дараах нийтлэлийг уншаарай. Библийн монгол орчуулгын 700 жилийн түүхээс

  

Бүтэн сайн өдөр Сан-Франциско хот дахь Монгол цуглаанд очлоо. Их Британи дахь итгэгчид та бүхний мэндийг дамжуулахад тэд халуун дотноор угтан авсан. Хүндэтгэлийн цуглааны дараа залуучуудын цугларалт дээр хуваалцаж, асуулт хариултын цаг гаргасан. Монголчууд маань харийн оронд ч гэсэн эх хэлээрээ Эзэнээ магтан дуулж, итгэлээрээ өсч байгааг харахад тун сайхан байлаа. Дараа нь пастор Отгонбаярынд очиж, жаахан ярилцлаа. Намайг халуун дотноор хүлээн авсан Сан Францискогийн итгэгчиддээ их баярлалаа.

  

  

Аян замын минь төлөө залбирч байсан та нартаа, нигүүлслээ хайрласан Эзэн Бурхандаа баярлалаа.

Г. Баяржаргал

Сэдэвийн ангилал: Библийн тухай, Гэрчлэл
Түлхүүр үг: , ,

Сэтгэгдэл бичих

Сэтгэгдэл үлдээх

http://www.ukmcf.com/wp-content/plugins/wp-monalisa/icons/wpml_bye.gif 
http://www.ukmcf.com/wp-content/plugins/wp-monalisa/icons/wpml_good.gif 
http://www.ukmcf.com/wp-content/plugins/wp-monalisa/icons/wpml_negative.gif 
http://www.ukmcf.com/wp-content/plugins/wp-monalisa/icons/wpml_scratch.gif 
http://www.ukmcf.com/wp-content/plugins/wp-monalisa/icons/wpml_wacko.gif 
http://www.ukmcf.com/wp-content/plugins/wp-monalisa/icons/wpml_yahoo.gif 
http://www.ukmcf.com/wp-content/plugins/wp-monalisa/icons/wpml_cool.gif 
http://www.ukmcf.com/wp-content/plugins/wp-monalisa/icons/wpml_heart.gif 
http://www.ukmcf.com/wp-content/plugins/wp-monalisa/icons/wpml_rose.gif 
http://www.ukmcf.com/wp-content/plugins/wp-monalisa/icons/wpml_smile.gif 
http://www.ukmcf.com/wp-content/plugins/wp-monalisa/icons/wpml_whistle3.gif 
http://www.ukmcf.com/wp-content/plugins/wp-monalisa/icons/wpml_yes.gif 
http://www.ukmcf.com/wp-content/plugins/wp-monalisa/icons/wpml_cry.gif 
http://www.ukmcf.com/wp-content/plugins/wp-monalisa/icons/wpml_mail.gif 
http://www.ukmcf.com/wp-content/plugins/wp-monalisa/icons/wpml_sad.gif 
http://www.ukmcf.com/wp-content/plugins/wp-monalisa/icons/wpml_unsure.gif 
http://www.ukmcf.com/wp-content/plugins/wp-monalisa/icons/wpml_wink.gif 
 
© 2017 UKMCF.com. Вэб сайтаас мэдээ мэдээлэл авсан тохиолдолд зохиогчийн эрхийг хүндлэн сайтын нэрийг тавих буюу нийтлэгчийн нэрийг заавал дурьдан уу..